පින්න නුඹ ඇවිදින් කළුවරේ - වත මගේ සිපගන් (මාතින් ලියැවුණු ගියක්)

පින්න නුඹ ඇවිදින් කළුවරේ
                                    වත මගේ සිපගන්

උනා පෙති සළු පිපුණ නෑඹුල්
                                    කඩුපුලී මම වෙම්

අඳුරු සයනේ සුවඳ වගුරා
                                    නුඹ නමින් සැතපෙම්

සිනිඳු පෙතගින් හිරිය දොවමින්
                                    පිපි හැඟුම් අතුරන්

නීල ඉඳුවර තාරුකා නෙත්
                                    බලා සිටියාවේ

වලා තිරපට මුදා හොරැහින්
                                    සඳුද දුටුවාවේ

මලවි රඟබිම මගේ මුවරද
                                    සෙමින් සැලුනාවේ

හිරු අරාජික සුයාමය මේ
                                    රඟමු මා සුහදේ

පින්න නුඹ ඇවිදින්.....//

රැයට සමුදී සඳ මැකෙයි සුව
                                    රහස සඟවමිනේ

පිපී පෙති හළ වත’ම හකුළමි
                                    හිරු නැගෙන යාමේ

පින්න තැවරූ පෙති මුවා කර
                                    සමු ගනිමි සබඳේ

සිහිල අතුරා සුවය වතුරා

                                    නෙත් පියමි සුහදේ