Wednesday, February 27, 2013

එකෝමත් එක රටක - පවිත්‍රවූවන් වෙත




සලාගමයෙකු වියාලූ
ඝන කළු කඩතුරාවකින්
වෙලාපන් මා උවන
ශේෂ කර
දෑඟුලකින් අඩක දුර ගෙන
සිදුරු දෙකකට ඉඩැ'
හෙළන්නට
ගන්නා හුස්ම ආපිට

ඈත දකුණේ රොඩියෙකුගේ
දෑතින්ම ඇඹරූ කඹයකින්
මිලට නොව
ගත් පරවේණි උරුමයට
කිටි කිටි කර
වෙලාපන් මා
කේෂාන්තයටම බැරි නිසා
බෙල්ල යටි පල්ල යා කර

ඝනව නිල් වුණ
තීරු තීරු මස් පිඬු
වෙලූ රැහැණටද රැහැණිව
ඉල්පුණෝතින්
බඩහැලයෙකු ගෙන්වා
ගසාපන් මැටි

යමන්නකුගේ කෝව පුරවා
දිය යකඩ ගෙන
වසාපන් දෙසවන් සිදුරු
නෑහෙන්නටම
වැදි බණ

පදුවෙකු කරේ පල්ලැක්කියක නංවා
පශ්චිම දිසාවට
වද මල් අතුල මග
යවා මහ පෙරහැර
උල තබාපන්
මැදුම් මග ගත් වරදට

Comments
8 Comments
___Facebook Comments Powerd by Tricks Lanka

8 comments:

  1. Replies
    1. මිරිස් දුන්නැයි...........?

      Delete
  2. සුද්දෙක් බැන්දත් ඌ ඇංග්ලෝ සැක්සන් සුද්දෙක්ද කියලා බලපු උන් හිටියා.

    ReplyDelete
  3. වචන කොහෙන් ගලනවද මන්දා .........

    ReplyDelete
  4. කියන්නට වචන නැත.. විශිෂ්ටය!

    ReplyDelete

 
There was an error in this gadget