පුරුෂෝත්තම..........

මම

පිරිමියෙකු ලෙස අභිමානවත් වූවෙමි

දැතේ දෙපයේ වීර්යයෙන් පන්නරය ලැබීමි

ඇය හා එක්ව දූ පුතුන් පැතුවෙමි

මපුතු උපන් දා ඈ විඳි වේදනාව හා සමානව මසිත දැවූ වේදනාව විඳවූවෙමි

ගතින් ඈ විඳි වේදනාව සිතින් මා තනිව උහුලා ගතිමි

කිසිවකු මා සිත්හි වේදනාව නොදුටු නියාව දැක කම්පා නොවීමි

ශ්‍රී ලංකාවේ ජනාවාසකරණය

(- සිරාන් දැරණියගල - පර්යේශන අනුව)

·         ලංකාවේ අදින් වසර ලක්ෂ 3-5 තරම් පැරණි සාධක වෙරළබඩ වැලි බිම් වලින් හමුවන බව.

·         එම කලාප වලින් 1,25,000 BP ජනාවාස සාධක ලැබෙන බව.

·         බූන්දල වෙරළ තීරයෙන් 1,25,000 ට අයත් කහඳ තිරිවානා පතුරු මෙවලම් හමු වීම.

·         මෙය ඉරණමඩු පස් සැකැස්මයි.

ලංකාවේ පැරණිම ජනාවාස රටා හදුනා ගැනීමට හැකිවන මෙම ඉරණමඩු පස් සැකැස්ම ලංකාවේ, උතුරුදිග ප්‍රදේශයේ මාන්කුලම්  හා ඉරණමඩු ප්‍රදේශයේත්, වයඹදිග විල්පත්තු අවට එළුවන්කුලම කල්පිටිය

තිඹිරි ගෙය

තිඹිරි ගෙය

පාළුය, මූසලය, අඳුරුය

ඇසෙන්නේ

මගේම කෙඳිරියකි

සුදු ඇතිරු යහනත

අවු ඉරකින් ඇදි පුල්ලියකි

උළු රටාවේ මකුළු දැල් වියමනකි

සුදු තුවායකි, කතුරකි, උණු වතුර බේසමකි

පැතුම

සරාගී සදවත

නොදවන්න මා ගත

තෙමා ලූ වලා තිර

අතුරන්න නුඹ මත

නොපෙනෙන්න මට නුඹ නොපෙනෙන්න

the stoning of soraya m 2008 ඔබ වෙත ගෙන එන අනුවේදනීය චිත්‍රපටයකි මේ....

මම කල්පනා කරමි. අතොරක් නැතිව කල්පනා කරමි. මෙම චිත්‍රපටය මම නැරඹූයේ මීට මාස කිහිපයකට පෙරාතුවය. ඒ පිළිබද විස්තර ඔබ වෙත ගෙන ඒමට දිනෙන් දින පමා වූයේ ඔබ හමුවේ මේ පිළිබඳව ඉදිරිපත් කරන හදුන්වාදීමේ ලිපිය ඉතා සන්වේදී අයුරින් ලිවිමට වචන අමුනා ගැනීම සඳහායි. නමුත්... ඒ කිසිවකින් පලක් නොවේ යැයි සිතමි. මන්ද අපි අපගේ පුංචි රට තුළ අසීමිත නිදහසක් භුක්ති විදින කල්හි එම අසරණියෝ ඔවුන්ගේ දේශය තුළ වචනයෙන් කිව නොහැකි කඨෝර දුක්ඛයන්ට අදද මුහුණ දෙන බැවිනි.

ඉනික්බිති

ඇගේ අනියම් ප්‍රේමය

ගොමස්කඩ කම්බායෙන් වැසී 

මර හඩ තලයි

පැල් කොටේ මුල්ලක

අදෘශ්‍යමාන හාදුව

මම කණ්ණාඩිය ඉදිරිපිට සිටගතිමි. එකින් එක මගේ ඇඳුම් අහවර කිරීමටය මාගේ මේ සූදානම. කණ්ණාඩියෙහි මාපිළිබිඹුව වැටෙනු ඇත. නූල් නූල් එකට ඇමිණී ගෙතුණු ඇදුමෙන් ආවරණිත සිරුර තව මොහොතකින් විවර වනු ඇත. මම නැවත දොර අසළට ගියෙමි. නැවතත් වරක්... මතක හැටියට ඒ සිව් වන වතාව විය යුතුය. මම නැවතත් අගුල කරකවා බැලූවේ එක අගුළු වැටී ඇතිද කියායි. එසේය. එය මැනවින් අගුලු වැටී ඇත. මම නැවතත් කණ්ණාඩිය අබියස.

මුලින්ම මම කරාඹු ජෝඩුව ගැලවීමි. මගේම කන් පෙත්තේ සුමුදු බව මට දැනුණි. කනේ හිල මදක් උස්වී ගැටියක් සෑදී ඇත. මෙය කියන අවස්ථාවේදී... දැනුදු මම මගේ කන් පෙත්ත ඇල්ලීමි.  නිරුවත් කන් පෙත්තේ එම සිදුර ඇති තැන මට දැනේ...

මේ ඇත්ති කෝමත් වැද්දි මයෙ ඇත්තො

මඬුවේ කිරි කොරහ නැටූ මයෙ ඇත්තො

මාමකැච්චක් කැලැ පොජ්ජවල රැඳෙව්වෙ මයෙ ඇත්තො

සිදාදියේ මිනිග්ගජ්ජු  එක මේ කාලෙ

මන්දො වීලා තිබෙනවා වරිග රුකුල් පොජ්ජෙ රඳන්නෙ නැතුවාම

මේ බිම් පොජ්ජෙම රඳාන

කතා දැමුවා මයෙ ඇත්තො

හඳුන්පොත කීගෑවෙන්න

මේ ඇත්තට හිත් ලාන කාල පොජ්ජෙ මේ ඇත්තිගෙ

හඳ එළිය

හඳ... ටකරං හිලක් ඇතුළෙන් එබිකන් කරනව මම දැක්කා රෑට

නෑ නෑ... මමයි එබිකන් කරල කරල හඳ ඒ හිලට උඩින් පායලාද කියල බැලුවෙ

සමහරදාට..... කැරකුණා මම බූරු ඇඳේ හතර අතටම

හඳ බලන්න

ඒ දවස් වල.... හීන් හඳ එළියෙම ඔයා

මතකයි මගේ ඇග පුරා රතු පාට කැළැල් ගැන්නා

පුපුරා හැලෙන්නට පොදිකෑ හිනාව

කිටි කිටියෙ තොල් දෙකෙන් තද කරන් මං...... රිදුනද වෙලාවකට හැපුව පාර.....

විනිවිද

විනිවිද නම් වූ මාගේ පළමු ඒක පුද්ගල සිතුවම් ප්‍රදර්ශනය වෙනුවෙන් ඇදි තේමා සිතුවම මෙයයි......... 

2006

මහනුවර ඩී. එස් සේනානායක මහජන පුස්තකාල ශාලාවේදි 

මෙය පළමු වරට ප්‍රදර්ශනය කෙරුණි.

විමුක්තිය,

එය මා තුළයි. එය මා සමීපයේයි. එය මට බොහෝ දුරයි.

එය මා තුළම තිබුණත්, මට සමීපයේ තිබුණත්, මට බොහෝ දුරස්ව තිබුණත් එය කුමක්දැයි මම තවම නොදනිමි. මට ඒ විමුක්තිය හදුනාගත නොහැක. එහෙයින් මම එය හදුනා ගැනීමට වෙර දරමි.

අනන්තය

සීමාන්තික තීරයක සිට 

‍කො‍තෙකුත් තර්ක කළද

තතු දන්වා සිටියද

හි‍සේ ‍කෙස් ඇද

සීමා‍වෙන් ඔබ්බට

දිටිය හැකිවෙද දශමයක් වුව

සිමාමායිම් වැටකඩුළු බිද හැර

අනන්ත අවකාශයක

එකෝමත් එක කතාවක මහා පොදු සාධකය

දෙමාපිය ආදරය
සෙල්ලම්බඩු
පොත් පෑන් පැන්සල්
යහළුවන්
ලකුණු තරගය
විභාග ප්‍රතිඵල
උසස් අධාපනය
මුදල්
රැකියා
කිර්තිය
සමාජ තත්වය
විවාහය
දරුවන්

රත

ගිනිගත් සද
හොරෙන්ම මෝදු වී අහසට
බලාපන් අර හාත්පස
දවා හළු කරන සද
දසත පැතිරෙන වලාකුළු දුමාරය

ගිනි පුපුරු තරු කැළ
නිවි නිවි බබලන සද
රිදුම් දෙයි නෙතගට
දිස්නය.... දිස්නය... දිස්නය.....

රමණීය රමණ

ඇගේත් මගේ කාමර එක ළගම දෙපසකට මුහුණලා

ඇගේ කවුළුව මගේ කවුළුව අබියසම

කවුළු දෙක වෙන් කරන රෝස මල් පදුරක හැමදාම

නොවරදී නොපිපෙන රතු රෝස මල් කැකුළු

නිතර ගොළුබෙල්ලන් කා දමන

චක්‍ර

මම බැලුවා...........
ළිං පත්ලට එබිලා
මට බලන්න ඕනෙ වුණේ පතුළම කොයි වගේද කියලා
දැක්ක මම
කළුම කළු පාටට වතුර
හුගක්ම හුගක්ම ගැඹුරුම ගැඹුරු ලිං පතුලේ

මම ඔයා ගාවට එන දවසට.......

හඳ වට්ටියට තරු මල් නෙළලා

එළියෙන් බබළන තරු වට්ටියක්ම අරන්

ඔයා ගාවට එන්නම්

අපි ඒ තරු එකින් එක අමුනලා ලස්සන මල් වැලක් හදමු

නිවි නවි පත්තුවෙන එළිය විහිදුවන මල් වැලක්

එම්බා තිත,,,, නුඹ කොහිද............?

මේ ජීවිතය දිගු වැකියකි

නුඹ එහි විරාම ලකුණකි

මතකයි දිනක් මම ඇසුවා

නවතිනවාදැයි මා ළඟ

මතකයි නුඹ කීවා

විරාම ලකුණකට සපුරාලිය නොහැකි බව

මගේ ජීවන වැකියේ අරුත

අහෝ සබඳ

ආලය සහ ලිංගිකත්වය තුළ සැගවුණු බැඳීමේ අනුවේදනීය වෘතාන්තය ෴LOVE IN THE TIME OF CHOLERA෴

චිත්‍රපටය මෙතැනින් ගන්න 

කොළරා කාලේ ආලේ යන නමින් පරිවර්තනය වුයේ මෙම ග්‍රන්ථයයි. අද දින කතා කෙරෙනුයේ මෙම චිත්‍රපටය සහ නවකතාව පිළිබදවයි.

ඇය .... ෆර්මිනා

ඔහු .... ෆ්ලොරෙන්තිනෝ

෴ මා දුටු ලස්සන චිත්‍රපටයක්....... Frida ෴

'පවුලේ සැමට' යන ලේබලයෙන් මෙය නැරඹිය නොහැකි වුවත්..... එහි රසය ඔබට මනාව වටහා ගත හැකි වන්නේ තනිව නැරඹීමෙනි.... ඔබ ඔබ වී නොව, ඔබ ෆ්‍රීඩා වී ඇය ඔබ දෙස නැවත බලන්න. ඔබ ෆීඩා වී ඇය දෙස බලන්න......... එහි දර්ශනතලයන්හි ඔබ දකින සරාගිකත්වය පසුව ඔබේ නෙතම කදුලින් බර කෙරෙනු ඇති....

සිය දෙපා අහිමි විමත්, පෙම්වතා පිටුපා යාමත්, යහන මත හුදෙකලා විමත් මත ඈ ක්‍රමයෙන් සිය මනෝභාවයක් විදහා දැක්විමට චිත්‍රය මාධ්‍යයක් කොට ගත්තාය. සැමියාගෙ අවකල්ක්‍රියා දරු ගැබ අහිමිවිම ආදීවූ වේදනාත්මක සිදුවීම් ප්‍රබල කම්පනයක් ප්‍රේක්ෂකයා වෙත ගෙන එමින් අපූර්ව වූ සිතුවම්හි රූපණය කළාය. මෙම චිත්‍රපටය ඇගේ ස්වයං චරිතාපදානයකි. එවන් වු අපූර්ව ගැහැණියකගේ ස්වභාවය අප වෙත ගෙන එන අගනා නිර්මාණයකි.....

විත්‍රපටය මෙතැනින් ගන්න

මෙහෙමලු මං විභාග ලීවෙ

වැල් ලෙහීගෙන යන වැල් පාලමක් තියනවා. සංගිලි පාලම් කියන්නේ ඒවටද මංද... කොහොම හරි හෙල්ලෙන පාලමක්. මේ පාලම දැන් හරිම අබලන්. ඒ පාලම තමයි මගේ මතකය. මම මේ හදන්නෙ ඒ ලෙහීගෙන ලිහිල් විගෙන අමතක විගෙන යන මතකය කියන වැල් පාලම දිගේ ටිකකට අතීතයට යන්න. J

පුංචි දවස්වල අම්මගෙන් මම නොසෑහෙන්න ගුටි කැවා බැනුම් ඇහුව... අකුරු ලියන්න හුරු වෙන්න. අපොයි ඒ වගේ කාලයක්නම් ආයෙත් එපා. එක අතකින් ගුරුවරියකගෙ ළමයෙක් වෙනවයි කියන එප එපා කරපු දෙයක් වෙනවා පාඩම් මතක් වෙද්දි. ඉතිං නොසැහෙන්න හොටු පෙරාගෙන කදුළු හලාගෙන එක වසරේ ඉදල පහ වසරට යනකන් ටොකු කකා ඉගෙන ගත්තා.

කට වට කර වැට බැඳීම සහ කම්මලේ බල්ලා සේ සිටීම.

මිනිසුන්ට කටවල් ඇත. ඒ කතා කරන්නටය. කතා කිරීමද විවිධාකාරය. කතා කරන්නන් වාලේ කතා කිරීම, සුහදශීලිව කතා කිරීම, පොරත්වය පෙන්වීමට කතා කිරීම, අවශ්‍යතාව උදෙසා පමණක් කතා කිරීම, කතා නොකරම නිකන් සිටීම වැනි කරුණු සේම තවත් නනාප්‍රකාර විධි 'කතා' සමග සම්බන්ධ වේ. මිනිසුන්ට කතා කිරීමට නිදහස ඇත. අද වන විට අසීමිත නිදහසක් ඇත. නමුත් ඉස්සර තත්වය මෙලෙස නොවු බව පැරණි කතා පුවත් ඇසුරෙන් පෙනී යයි. යමෙක් කතා කළ යුතු වු දෙය තීරණය කෙරුණේ ඔවුනගේ පංති මට්ටම, සමාජ මට්ටම, කුලය, ඉහළ කුලවල ඇත්තන්ගේ අනුදැණුම ආදිය මතයි.

ඒ වනචර ගමන් ගැන මගේ ඇසින්

පළමු කතාවට මෙතැනින් යන්න

මමයි ඒ සමන්. නිලූෂි ලියපු සමන් මම. එයාගෙ ජීවිතේ දෙවෙනි සමන්. නිලූෂිට තරම් ලස්සනට ලියන්න මම දන්නෙ නැ. ඒ නිසා එයාගෙ කෙටි කතාව දැකල මට හිතුණ දේ මම ලියන්නම් හරිම කෙටියෙන්. මා ගැන එයා ලිව බව මට එයා කිවම මම එක දෙයක් එයාට කිවා.

'සමහරවිට ඔයා වෙන්න ඇති මගේ ජීවිතේ මට ආදරේ කරපු එකම කෙල්ල'

පතමි අවසර

දිය බිදකි මා

පියුම් පත මත

දියමන්තියක 

දිස්න දෙන

පියුම් පත නුඹ

දිය බිදිති උසුලන

නොඇලෙමි

නොරැදෙමි

නොනැවතී යමි...

දුරක සිටිනා ඔබට......

සකුණ ගියක 

තණුව වී

සුසුම් ස්වරය එවන්නම්....

හමන පවනක 

සිසිල අත‍රේ

ආද‍රේ සුව එවන්නම්....

෴හන්තාන කන්ද පාමුල වාසිටියේ අපේ ලයිෆ් එක෴

ඔන් න අපි උසස් පෙළ ප්‍රතිඵල ආවට පස්සෙ දත කට මැදගෙන බලාගෙන ඉන්නව කැම්පස් යන දවස උදා වෙනකන්. ගියපු අය දන්නව ඇති, යන්න ඉන්න ඔයාලත් දන්නව ඇති... මේ කාලෙ ගෙවාගන්න කොයි තරම් අමාරුද කියලා. ඒ වගේම ඒ අත්දැකීම නැති ඔයාලටත් මේ මම අද කියන්න යන දේ පුංචි රස කතාවක් වේවි. ඒ වගේම මේක හැමදාටම වලංගුයි. ගියපු හැමදෙනාටමත් වලංගුයි. යන්න බලන් ඉන්න ඔයාලටත් කවද හරි කියන්න වෙන්නෙ මේ ටිකම තමයි. ඉතිං මම ලස්සනට බොහොම කෙටියෙන් මේ විස්තර එයාලට අළුත් විදිහකට කියන්නම්. විදිහ අළුත් උනාට මේ ඉතිං හැමදාම වෙන දේ තමයි.

අපි එන්න විභාගෙ සමත් වෙලා කැම්පස් යන්න වරම් හිමි කර ගන්නවා සමහර දෙනා. ඒත් අවාසනාවට හෝ වාසනාවට කොටසකට යන්න බැරි වෙනවා. මේ අය අතරින් තමන්ගෙ පෙම්වතීව දාලා පෙම්වතාට විශ්වවිද්‍යාල වරම් ලැබෙන එකත්, පෙම්වතාට නොලැබී පෙම්වතීට විශ්වවිද්‍යාල වරම් ලැබෙන එකත් හරිම සෝචනීය තත්වයක්. කැම්පස් ආපු අළුත කට්ටිය ඒ හැඟීම හරි අපූරුවට කියනවා අපේ කලාකරුවන්ට පින් සිද්ධ වෙන්න.

හන්තානට පායන හඳ ලස්සනයිද කියන්න

මා නොදකින ඒ පුර හඳ ඔබට හැකිය දකින්න

...........................................................................

ලතා මඩුලු අත වනාවි එපා අහක බලන්න

මා ගැන මතකය ගුලිකර මහවැලියට දමන්න

මගේ චූටි මැණික

හැමදාම මහ බරපතල කතා කියන නිසා අද අළුත් විදිහට හිතට දැණුනු දෙයක් කියන්න කියල හිතුණා. ඒ මගේ පුංචි මල්ලියා ගැන. මට අද වගේ මතකයි පුංචි රෝසපාට ගුලියක් වගේ ෆැනල් වලින් ඔතාගෙන එයාව අපේ ගෙදරට මුලින්ම වඩම්මවපු දවස. එදා හරිම තදින් වැස්ස. අම්ම බබාව හම්බවෙන්න ඉද්දි ඉස්පිරිතාලෙට යද්දිත් හයියෙන් වහිනවා. පුංචි පුළුං බෝලෙ ගෙදරට ගෙනෙද්දිත් තදේට වහිනවා. ගෙදර ආව ගමන් අපි එයාට නමක් දැම්මා... “වැහි කුමාරයා“.

බබාව ගෙදර ගෙනල්ලා ඇද උඩින් තියලා අම්ම ගියා. මම එයා ගාවින් හෙළවුනේවත් නැ. ලගට වෙලා අල්ල අල්ල හිටියා. හරිම ලස්සනයි. චූට්ටං. රෝස පාටට හුරුයි මගේ චූටි මල්ලි පැටියා. ඒත් එක පාරටම එයා අඩන්න ගත්තා. මම දන්නෙ නැ මක් වුනාද කියලා. මම කලබල වුනා. බලද්දි එයාගෙ එක ඇහැක් උඩ කද රතු පාට වෙලා. මම හොදටම බය වෙලා කැ ගැහුවා. අම්මලත් බයේ දුවගෙන ආවා.

෴වර්ග භේද වලින් තොර සමාජයක් උදෙසා පූර්විකාවක්෴

අදහස් ප්‍රකාශනය සහ ප්‍රකාශිත අදහස් ග්‍රහණය පිළිබද වවධානය යොමු කරන කල්හි මෙය පුද්ගලානුරූප බව කිව පෙනී යයි. ඒ ඒ පුද්ගලයා සිය අදහස් ගෙන හැර දැක්විමට විවිධ මාධ්‍යයන් උපයුක්ත කර ගන්නවා සේම, ග්‍රාහකයාද සිය ප්‍රාඥතාවේ මට්ටම අනුව අදහස් ග්‍රහණයේ යම් පරාසයක සිටී. අපි මෙය පොදුවේ සන්නිවේදනය ලෙස ගතහොත්, යම් සන්නිවේදිත ප්‍රපංචයක් තවෙකෙකු ග්‍රහණය කර ගන්නේ තමාට අනුරූපී ආකාරයට සහ සිය බුද්ධි මට්ටමේ ස්වභාවය අනුවයි. එහිදී ඊට අදාලව සිදු වන ප්‍රතික්‍රියාවද ඒ මත රදා පවතින බව කිව හැකිය. සමාජය විසින් නීර්ණය කරන ලද යම් යම් සංස්කෘතික ලක්ෂණ වේවා, සමාජානුභූතීන් වේවා ඒ ඒ සමාජයන්හි ඊට අදාලව දෘෂ්ටිවාද ගොඩනැගී පවතී. සමාජ ව්‍යූහය තුළ හිඳිමින් ඒ හා ගැටෙමින් දවසරින කල්හි අප එකී දෘශ්ටිවාදයන්හි යම් ආකාරයක හවුල්කරුවෝ බව ස්වයංවිඥානිකව මනසට ග්‍රහණය වේ.

The Political Theories and Concepts Found in the Buddhist Tradition (බෞද්ධ සම්ප්‍රදායේ එන දේශපාලන න්‍යායන් සහ සංකල්ප) 04

04. රාජ්‍ය අරගල අවස්ථාවන්හි බුදුරජාණන් වහන්සේගේ මැදිහත්විම තුළින් හෙළි වන තොරතුරු.

පූර්ව ලිපියට මෙතැනින් යන්න.

බුදුරජාණන් වහන්සේ භික්ෂූන්ට රාජ කථා සාකච්ඡාව තහනම් කළ බව බෞද්ධ ඉතිහාසයේ කියැවේ. එය,

·         හීන විජ්ජා

·         ඛත්ත විජ්ජා

·         තිරචීන විජ්ජා 

ලෙස සලකා බැහැර කිරීමද සිදු කර තිබේ (දසනායක ; HIS411 දේශන, 2011). මිට හේතුව බුදු සමය තුළින් භික්ෂූන් පුහුණු කරවන්නේ තෘෂ්ණාවෙන් ඉවත් වි සසරින් මිදීමේ මාර්ගාවබෝධය ලබා ගනු පිණිස වීම විය හැකිය. 

බ්‍රාහ්මණයින් මෙන් රාජ්‍ය පරිපාලන ක්ෂේත්‍රයට යොමු විම තුළින් භික්ෂු දිවියේ අපේක්ෂිත පරමාර්ථ වෙත ළගා විමේ මාර්ගයෙන් ඈත් විමට සිදු වීම මෙයට බලපැ ප්‍රමුඛතම සාධකය වන්නට ඇත. නමුත් රාජ්‍ය පාලනයට අවශ්‍ය උපදේශන ලබා දෙමින් භික්ෂූන් වහන්සේ නිරන්තරයෙන් රජවරු සමග සබදතා පවත්වාගත් බවට සාධක රැසක් ඓතිහාසික මුලාශ්‍ර පරිශීලනයෙන් විද්‍යමාන වේ. තවද දේශපාලන බල අරගල අවස්ථාවන්හි ඍජුව හෝ වක්‍රාකාරව බුදුරදුන් ස්ව දායකත්වය සැපයු බවට නිදර්ශන කිහිපයක්ම දැක්විය හැකිය. එවන් ඇතැම් අවස්ථා අවධානයට ගැනිමේදී පැහැදිලි වන්නේ සංග්‍රාම සිදුවී විශාල වශයෙන් රුධිරය වැගිරිම් වන්නට තිබූ අවස්ථා බුදුරදුන්ගේ එවන් මැදිහත්විම් මත සමතයට පත් වු බවයි. එහෙයින් උක්ත සිදුවිම් හදුනාගෙන ඒවා බෞද්ධ දර්ශනයේ අර්ථ දැක්වෙන දේශපාලන න්‍යායන් ලෙස හුවා දැක්විමට ප්‍රථම ඉහත දැක්වූ සාධකය කෙරෙහි අවධානය යොමු කළ යුතුය.

වේදිකාව මත ප්‍රසිද්ධ පෙම්වතියගේ චරිතය රඟපෑ “ඔහුගේ” කතාව....... සමුදෙන්න මගේ රිදීදෝලිය

Farewell My Concubine - සමුදෙන්න මගේ රිදීදෝලිය

By - Lilian Lee

අද දින ඔබ වෙත ගෙන එන්නේ අගනා කතා කෘතීන් දෙකක් පිළිබඳවයි. මෙය නව කතාවක් ලෙස මෙන්ම චිත්‍රපටයක් ලෙසද රසවින්දනයේ හැකියාව පවතී. මෙම කෙටි හැඳින්වීම තුළින් සමස්ථ කතාන්තරයේ කථා සාරය ඔබ වෙත ගෙන ඒමට අපේක්ෂා කරන අතර නවකතාවත්, චිත්‍රපටයත් යන දෙකම අළලා පොදු හැඳින්වීමක් ගෙන ආවද නිර්මාණාංග දෙකෙහි අන්තර්ගතයේ යම් වෙනසක් පවතින බව ප්‍රථමයෙන් කිව යුතුය.

දිළිඳු කම හේතුවෙන්ම නව හැවිරිදි වියෙහි සිටි ෂියෝ ඩවුසි ගේ මව ඔහුව පීකිං ඔපෙරාවට විකුණා දැමිමට කටයුතු කරන්නීය. මුදු මොළොක් ආකර්ශනීය සිරුරකට හිමිකම් කී ඔහුට මෙහිදී ගැටළුවකට තිබෙන්නේ විකෘතියකින් ඇතිවූ ඔහුගේ අතක ඇඟිල්ලකි.

එදා හෙළ දිව ..... ලාංකේය සංස්කෘතියේ දුටු නොදුටු පැතිකඩ

ලංකාව සම්බන්ධයෙන් විදේශීය වාර්තා කරුවෙකු අතින් ලියවුණ දීර්ඝතම වූද, විශිෂ්ටතම  විස්තරය ලෙස මෙම ග්‍රන්තය ඉතිහාසගත වේ.

පර්යේෂණ ලිපි සහ ග්‍රන්ථ උදෙසා පාදක මුලාශ්‍රයක් ලෙසද, මහනුවර යුගයේ ලාංකේය සමාජ ව්‍යූහය අධ්‍යයනක කළ හැකි ග්‍රන්ථයක් ලෙසද, පොදුවේ යටගියාව කෙරෙහි විශේෂ ඇල්මක් දක්වන්නවුන් සදහා කියවීමට, රසවිදිමට හැකි අගනා ග්‍රන්ථයක් ලෙසද මෙහි ඇති වටිනාකම මෙතෙකැයි කියා නිම කළ නො‍හැත.

හුදු සාහිත්‍යයක් ලෙස නොව, වාර්තාවක් ලෙස මෙය පරිහරණය කිරීමේදී අවබෝධ කරගත යුතු කරුණු කිහිපයකි....

1. ග්‍රන්ථයේ විස්තර කෙරෙන සියලු සිදුවීම් රචකයා සිය අත්දැකීමෙන්ම අවබෝධ කරගත් හෙයින් මෙහි විශ්වාසනියත්වය වැඩිය.

2. රචකයා තමා විස්තර කරන්නාවූ සමාජ රාමුව තුළ එදිනෙදා ජිවන තොරතුරු සවිස්තරාත්මක සටහනකට ගොනු කිරිම මත තත්කාලිව වූ සාධක උකහා ගත හෙයින් වාර්තාවේ විශ්වාසනියත්වය තව දුරටත් තහවුරු වේ.

3. නොක්ස් ඇතැම් අවස්ථාවන්හිදි තමන් වාසය කළ සමාජ සංස්කෘතික වටපිටාව සමගින් එවක ලංකාවේ පැවති සමාජ ස්වභාවය සංසන්දනය කිරිමට යාම මත සුළුතරයක් වූ යම් යම් අසත්‍ය තොරතුරුද ගැබ් වේ යැයි අපකල්පයය කළ හැකිය

The Political Theories and Concepts Found in the Buddhist Tradition (බෞද්ධ සම්ප්‍රදායේ එන දේශපාලන න්‍යායන් සහ සංකල්ප) 03

03. රාජ්‍ය කටයුතු උදෙසා රජවරු ලද බෞද්ධාගමික බලපෑම.

පූර්ව ලිපිය මෙතැනින්

මෙහිදී අවධාරණය කෙරෙනුයේ රාජ්‍ය පාලන කටයුතු අරභයා බෞද්ධ පසුබිම පාදක කොටගත් ආකාරයයි. ඉන්දියාවේ ඇතැම් ආජ්‍ය වකවානු වලදී මෙන්ම ලංකා ඉතිහාසය තුළදීද උක්ත කරුණ සනාථ කරවන අවස්ථා හමුවන බව පහත නිදර්ශන වෙත අවධානය යොමු කිරිමේදී පැහැදිලි වේ. මෙමගින් අරමුණු කළ මුඛ්‍ය පරමාර්ථය වුයේ රටේ වාසය කරන බ්‍රාහ්මණ, හිංදු, ජෛන මෙන්ම බෞද්ධ ජනයාගේද රුචිකත්වය රජු වෙත ලබා ගැනීමයි.