සිංදුවක් වගේ එකක් ලියන්න හිතුණා... දෙවැනි ප්‍රයත්නය මේ

වතුසුද්ද මල් ගොමුව

එදා වාගෙයි අදත්

මල් හිනා දෙන්නේ

අතීතේ දුටු පාට මල් නැහැ

සන්තාප සුද ඇඳල ඉන්නේ

පාට වතුසුදු මල් නෙලාලා

මලක් ගානෙම පැතුම් පුරලා

මැවූ සිහිනයෙ යදම් ලෙහිලා

ආදරේ සුව සිහින බිඳිලා

මල් හිනා දෙන්නේ
කුමරියයි අද

ගොමුවෙ මල් ගානේ
එදා නැති 
සුවඳ ගෙන එන්නේ

සුදෙන් මල් වට්ටිය සදාලා

කරන්නට නැහැ මැතුම් සිඳිලා

ඔබේ සොහොනම සුවඳ කරලා

පළඳවමි මල් මාල තනලා

මල් හිනා දෙන්නේ 
කුමරියයි අද

ගොමුවෙ මල් ගානේඑදා නැති 
සුවඳ ගෙන එන්නේ