රමණීය රමණ

ඇගේත් මගේ කාමර එක ළගම දෙපසකට මුහුණලා

ඇගේ කවුළුව මගේ කවුළුව අබියසම

කවුළු දෙක වෙන් කරන රෝස මල් පදුරක හැමදාම

නොවරදී නොපිපෙන රතු රෝස මල් කැකුළු

නිතර ගොළුබෙල්ලන් කා දමන

අළුයමින් ඇය ළිඳ අසල තෙතබරිව

දිය රෙද්ද බදා වැළඳ ඈ බඳ කිටි කිටියෙම

අවදිකරවයි මා දෙනෙත් 

උන් හිටි තැන් මතකයේ නොමැතිව

බලමි මම බලමි පෙරදින සිටම හැර තිබූ කවුළු විවරය මෑත් කර

බිදෙන් බිද රූරා වැටෙන දිය බිඳිති කෙස් රොද පීරගෙන

දිවට ගමි මම ඒ සන්සිල්ක් රස

බඳ නලවිමින් ඈ පිසදමාලයි..... තෙත

මම තුවායකි ඈ ගත වෙලෙන

වෙරළු මල් සුවඳයි මහ පාන්දර

කුරුල්ලනට පෙර උදා අරුණළු දකින්නෙම් මම

ඇගේ කවුළුව තුළින් එන

වෛවර්ණ ඔසරිය වටා එතෙන්නී 

මගේ සුකොමළ සුවද පුෂ්පය

දෙනෙතම වසා යහනේ දිගාවී

දෙසවනින් දකින්නෙම්

ටොක් ටොක් නදින් රැව් දෙන ඇගේ ලැසි ගමන

මගේ කවුළුව අසලින් යන්නී ඈ

බ්ලූ වුමන් විලවුන් සුවඳින් හොර මකාගෙන