රැවටිල්ල රැවටීම

ඔබ නොදන්නා රසයක් හඳුනාගත්තා මම

රැවටෙන බව දැන දැනම... රැවටීම

රවටන බව දැන දැනම.... රැවටීමට ඉඩ දීම

කොයි තරම් ලස්සනද එය.... වින්දනියද

වින්දා... සතුට සැහැල්ලුව සැනසීම

දැන සිටි නිසාම... කාලාර්ථයේ අසම්භාව්‍ය ක්‍රියාව - රැවටෙමින් සිටි බව

දන්නවාද ඔබ... විඳවීමේ වින්දනය හරි අපූරු බව - මට

දන්නවාද ඔබ... ලියන්නට කියන්නට අඳීන්නට තේමා දුන්නු බව - ඔබ

දන්නවාද ඔබ... පබැඳුම් සුපෝශිත කරගත් බව - මම

දන්නවාද ඔබ... භෞතික පියවරක් පාසා මනසින් පියවර සියයක් ඉදිරියට තැබු බව

නොදන්නා දෙයක් ඇත

ඔබ හා සෙසු ලොවම, මා හැර

සිතුවොත් සිතිවිල්ලක්

අතැර දැමිය හැකියි මට සියල්ල

සිටිය හැකියි කිසිවක්ම සිදූ නොවුණු ලෙස

විකිණිය හැකියි මට මාව මගෙ ආත්මය

ලබත හැකියි නින්දා ගැරහුම් හා බැඳි හර බැම්ම

සිනාසෙමි.... යළිදු සිනාසෙමි

පෙලුවත් පෙලුවත්
නොපෙලෙන මා සිත දැක පෙලෙන නුඹ දැක

සිනාසෙමි මම__________සිත්තරී