ඉනික්බිති

තරු දිලුන රැ‍යක

නුඹ නොදුටු තරුවක්

දුටිමි

සඳ ඇවිදින් ගිය දිනෙක

අහඹු කිවිසුම

නෙත් රැඳවූ සඳ

පාලු අහසේ

මුල්ලක

අඳුරු මුල්ලක

ඈත අනන්තයට

එය එසේ විය

නිසි කල

අනිසි ලෙස

නොනිසි පහසට නතුව

වීය ඇය

වෙසඟන

නොකියාම සිටියත් සිත්විය කියන්නට

බ්ලොග් ලියන අපේ අවුරුදු උත්සවේට මට එන්න විදිහක් නැහැ යාලුවනේ.... එක පුද්ගලයෙක් ඉන්නව, ‍මගේ ජීවිතේට ලොකු තර්ජනයක් කරන. ඒ මිනිහ මගේ චරිතය නැත්තට නැති කරනවා. පොලිසිට‍ ගියත් මේ මනුස්සයාගෙ තියන මෝඩ කමට හෝ අමන කමට මගේ චරිතය නැවත නැවත පලුදු කරන්න උත්සහ කරනවා. අනිවාර්යයෙන්ම ඒ කෙනා 21 වෙනිද මහරගමට ඒවි. බ්ලොග් ලියන අපේ අවුරුදු උත්සවේට. මං ගොඩක් ආසාවෙන් හිටියෙ අපේ කට්ටිය එක්ක එකතු වෙලා සතුටින් ඒ දවස ගත කරන්න. ඒත් මේ මනුස්සයා නිසා මට එන්න විදිහක් නැති එක ගැන මම ‍ගොඩක් කනගාටු වෙනවා...... ගොඩක් ගොඩක් ගොඩක්ම දුකයි. සිත්තරී කියන නමට හෝ තිලිනි කියන මගේ සැබෑ නමට ඒ පුද්ගලයා කරන කිසිම සඳහන් කිරීමක්, ගණන් ගන්න එපා කියල මම ඔයාලගෙන් ඉල්ලා හිටිනවා.

අමතක මතක

කාලෙකට පෙර
වැසූ කවුළුවද
වසාගෙන
වැටුණු පිණි කැට
එල්ලාගෙනම
සරසලා
මකුළුදැල

දුම්මැස්ස ළඟ

අළු වැදී

ගොමස්කඩටම ඉරුණු

කළු වලාකුළු  මෑත් කර

ගිනි පුළිඟු විනිවිද

සීතල අහුරු එක්කර

රවුම්

කැරකෙනවා

මගේ රවුම් ඔරලෝසුවෙ

රවුම් වුණ ලෝහ පටිය ඇතුලෙ

පංකාව

රවුමෙන් රවුමට

ඊට පහළින්

පමණට වඩා වුණු රවුම හින්දම

තවත් රවුම් වෙලා

ප්‍රකෘති රවුමෙන් පිට පැන්න

එකෝමත් එක රටක - පවිත්‍රවූවන් වෙත

සලාගමයෙකු වියාලූ

ඝන කළු කඩතුරාවකින්

වෙලාපන් මා උවන

ශේෂ කර

දෑඟුලකින් අඩක දුර ගෙන

සිදුරු දෙකකට ඉඩැ'ර

හෙළන්නට

ගන්නා හුස්ම ආපිට

ඈත දකුණේ රොඩියෙකුගේ

දෑතින්ම ඇඹරූ කඹයකින්

මිලට නොව

ගත් පරවේණි උරුමයට

පැරණි අදහස් තුළ එල්බ සිටීමෙන් සහ ගතානුගතික චින්තනයෙන් මිදිම කාන්තාවට අකැප වූවක්ද?

ලෝකයේ නොයෙක් බෙදීම් ඇති කර ගන්නේ සමාජය විසින්මය. මිනිසාම සම්මත කර ගත් එම බෙදිම් තුළ සිටිමින් විය යුතු යොවිය යුතු සම්මතයන් ඒ අනුව මිනිසා විසින්ම බිහි කරගෙන තිබේ. මෙකී සමාජ සම්මතයන් තීරණය කිරීමෙහි ලා ප්‍රබල දායකත්වය සපයන්නේ සංස්කෘතියයි. යම් ජන කොට්ඨාසයක්, ඔවුන් විසින්ම නීතිගත කරන ලද සංස්කෘතික රාමුවක සිට සමාජ සම්මත, තහංචි දමා සිය සංස්කෘතික දෘශ්ටියට යම් අනන්‍යතාවයක් ලබා දී තිබේ. මෙසේ බිහිකරගත් යම් නිශ්චිත කෝණයක සිට බැලීමේදී තම සමාජයට සුදුසු දේ ‍කවරක්ද, නුසුදුසු දේ කවරක්ද යන්න සම්මතයකට පැමිණීම මෙකී සංස්කෘතික පසුබිමේ ස්වභාවයයි. ඒකාකාරි රාමුවකට කේන්ද්‍රගත වීම තුළින් ඇතැම් නව්‍ය ප්‍රගමන වෙත මෙකී සමාජය ඔරොත්තු නොදේ නම් සංස්කෘතික බැම්මෙන් එපිට ඇති දේ යැයි කියා ඒවා බැහැර කිරීම සාමාන්‍ය සිරිතය. මෙය ලංකාවේ පමණක් දක්නට ලැබෙන්නක් නොවේ. සමාජය තුළ ගැහැණියගේ භූමිකාව මෙහි එක් ප්‍රභල පැතිකඩකි. සමාජය හා ගැටීමේදී මා වෙත එල්ලවු නොයෙක් අභියෝග, අපවාද, දිරිගැන්විම් ආදියද මෙම ලිපිය සඳහා පසුබිම් විය.

෴වර්ග භේද වලින් තොර සමාජයක් උදෙසා පූර්විකාවක්෴

අදහස් ප්‍රකාශනය සහ ප්‍රකාශිත අදහස් ග්‍රහණය පිළිබද වවධානය යොමු කරන කල්හි මෙය පුද්ගලානුරූප බව කිව පෙනී යයි. ඒ ඒ පුද්ගලයා සිය අදහස් ගෙන හැර දැක්විමට විවිධ මාධ්‍යයන් උපයුක්ත කර ගන්නවා සේම, ග්‍රාහකයාද සිය ප්‍රාඥතාවේ මට්ටම අනුව අදහස් ග්‍රහණයේ යම් පරාසයක සිටී. අපි මෙය පොදුවේ සන්නිවේදනය ලෙස ගතහොත්, යම් සන්නිවේදිත ප්‍රපංචයක් තවෙකෙකු ග්‍රහණය කර ගන්නේ තමාට අනුරූපී ආකාරයට සහ සිය බුද්ධි මට්ටමේ ස්වභාවය අනුවයි. එහිදී ඊට අදාලව සිදු වන ප්‍රතික්‍රියාවද ඒ මත රදා පවතින බව කිව හැකිය. සමාජය විසින් නීර්ණය කරන ලද යම් යම් සංස්කෘතික ලක්ෂණ වේවා, සමාජානුභූතීන් වේවා ඒ ඒ සමාජයන්හි ඊට අදාලව දෘෂ්ටිවාද ගොඩනැගී පවතී. සමාජ ව්‍යූහය තුළ හිඳිමින් ඒ හා ගැටෙමින් දවසරින කල්හි අප එකී දෘශ්ටිවාදයන්හි යම් ආකාරයක හවුල්කරුවෝ බව ස්වයංවිඥානිකව මනසට ග්‍රහණය වේ.

නට්සි ජර්මනියේ ඔත්තුකරුවකුගේ කථාන්තරය.. “රෑ මාතා” (Mother Night)

Mother Night

By – Kurt Vonnegut

කනිෂ්ඪ හොවාර්ඩ් ඩබ්ලිව් කැම්බල්ගේ පාපෝච්චාරණ ලෙස ලියවි ඇති මෙම කථාව ඉතා අපුර්ව වූවකි. ජර්මනියේ විප්ලවිය සමයේ ගුවන් විදුලි නිවේදකයෙකු වශයෙන් කටයුතු කරන කනිෂ්ඪ හොවාර්ඩ් ඩබ්ලිව් කැම්බල්, දිනක් උද්‍යානයේ දී මුනගැසෙන පුද්ගලයෙකු සමග කරන සාකච්චාවකින් පසු ඔහුගේ ජීවිතයේ පැවැත්ම විශාල පෙරළීයකට ලක් කෙරේ. ඒ එතැන් සිට ඔහු ජර්මනියේ රහස් තොරතුරු, ගුවන්විදුලිය හරහා ප්‍රචාරය කරන ඔත්තුකරුවෙකු ලෙස සිය කටයුතු ඇරඹීම හේතුවෙනි. නමුත් ඔහු දුන් ඔත්තු කවරේද යන්නත්, ඒවායෙහි වැදගත්කමවත් ඔහු නොදනී. අඩු තරමේ සිය ආදරණීය බිරිදගේ මරණයේ ආරංචිය පවා මෙසේ සිය මුවින්ම ගුවන්විදුලිය හරහා ඔහු ප්‍රචාරය කළද ඒ වන විටත්, ඉන් වසර ගණනක් ගත වන තුරුත් ඔහු සිය බිරිදගේ මරණයේ ආරංචිය තම මුවින් ඔත්තු සේවා වෙත ලබා දුන් බව නොදැන සිටියේය. ඔහු ශ්‍රේෂට ඔත්තුකරුවෙකු ලෙස සිය මෙහෙවර කළ බව, ඔහුව ඇමරිකානු රහස් ඔත්තු ඒජන්තයෙකු ලෙස බදවාගත් හැරල්ඩ් ජේ. ස්පැරෝ සිය අවසන් ලිපියේ සහතිකකොට දක්වා තිබේ. නමුත් ඔහුගේ මෙහෙවර දැන සිටියේ මුළු ලෝකයෙන්ම තුන් දෙනෙකු පමණි. සිය දෙමාපියන් පවා තමා පිළිබද අමිහිරි මතකයෙන් යුතුව මිය යාමට සැලසුනේ, මේ තිදෙනා හැර වෙනත් කිසිවෙක් ඔහුගෙන් වූ සේවාව නොදැන සිටි හෙයිනි. ඇමරිකානු රජයට වයසක යුවලකගේ හිතේ සැනසිමට වටා සිය කර්තව්‍යයන් වැදගත් බව ෆ්‍රෑන්ක් පවසන්නේ එහෙයිනි.

තමා ‍ඉතා දරුණු රැවටිමකට හසු වූ බවත්, තම ආදරණීය බිරිදයැයි සිතා ඔහු යහන්ගත වූයේ බිරිදගේ බාල සොයුරිය සමග බවත්,

සම්මතයේ අසම්මතය

ඔහු, හිතුවක්කාර පෙම්වතා

දුහුල් සළු පිළි ඉරා

දැඩි ග්‍රහණයේ රඳවා

දෙපසට රුවා කලවා

අලවංගුවක් ගිල්වා

මිහිතලය රුදු පහසින් සාරා

සිටුවා බීජයක්

ඇගෙ ලෙයින් මසින් වැඩෙන්නට හැරි

පරිවර්තිත පියා

හෙළ-වර පුවත

නමක් නැති දුර රටක

දුර ඈත දුර ගමක

උපන්නා අයෙක්

ඕපපාතිකව

දැම්මා ඔහුට නම

"හෙළ"

"හෙළ" වැඩී පිරිපුන්ව

කල වයස පැමිණි සඳ

ගෙන්නුවා පියඹක්

නැව් නග්ගවාගෙන

දුර ඈත බෝ දුරක

ඇවිත් කට්ට ගහන්නකො අප්පා......

තදින් දැනෙනව මට

ඔබේ අවැසිතාවය

කට්ට නැති සාරිපොට

පිටෙන් එල්ලා වැටෙනකොට

අනේ හිටියානම් ඔබ

කට්ට ගහන්න

අපේ හැන්දෑ වරු

දියවන්නාව කෙළවර

අපේම බංකුව උඩ

හැමදාම නැතත්

ඉඳ හිට හවසට හවසට

තුරුළු වෙන අපි

අළුත් ජෝඩුව

කාගෙන් වදයක්ද

වාහන සද්දෙ මිසක

කාලම තෙල පිරුණු

හයිකාර ලොකු අතු

වැලි පාරෙ එහෙ මෙහෙ

හනි හනික දුවනකොට

අපි අපේම වුණ

පුංචි ලෝකෙක

රැළි ගහන රැළි අතර

බත්කූරො ගැන ගැන

  

ඈතින් එන හුළඟ

ඇඟම හිරි වට්ටගෙන

එති එතී යනකොට

උණුහුමක් දෙන්න හින්දම

එතෙනව ඔය ලොකු සුරත

අනාවරණිත, සාරි හැට්ටෙත්

නෙරිය රැළි අතරත්

හිඩැස වහගෙන

තුරුල්ලට ගෙන

විටින් විට

නිමක් නොදකින

හාදුවෙන් හාදුව

සටහන් වෙනකොට

නළල මත

අහසත් විඩෙන් විඩ

රතු වෙනව ඔන්න

ලැජ්ජාව හින්දම

මැරතන් දුවන

තත්පර කටු නොබලම

දෝරෙලන ආදරේ

සුසුම්වල පුරෝගෙන

එකින් එක හෙලනකොට

සයිරන් නොදාම

පායන අඳුරට ඉඩැර

බෝඩිම මානයෙදි

වෙන් වෙනව ඔබ

මහා සුසුමක් එක්කම

දවසෙ අවසන් හාදුව

තබා නළලත.............

නිරුවත් ගැහැණියක් වුණා මං ඔන්න ඔබ හින්දම

මට මතකයිද මංදා

පසුකරපු පෙම්වතුන් ගණන

උන් මට ඇතුල්වුණ වාර

උත්සාහයක යෙදෙමින්

අතීත ස්මරණයක

එකින් එක

පාස් කර කර

ජීවිතේ දිගු දුරක

ඇවිල්ලත් මං අද තනියම

ඔන්න එක සැරයක්

ඒකනම් මතකයි හොඳට

පළමු පෙම්වතා හින්දම

වරකපල පැත්තෙ පොඩි ඇලක

කාටවත් නොපෙණෙන මුල්ලක

රැවටිල්ල රැවටීම

ඔබ නොදන්නා රසයක් හඳුනාගත්තා මම

රැවටෙන බව දැන දැනම... රැවටීම

රවටන බව දැන දැනම.... රැවටීමට ඉඩ දීම

කොයි තරම් ලස්සනද එය.... වින්දනියද

වින්දා... සතුට සැහැල්ලුව සැනසීම

දැන සිටි නිසාම... කාලාර්ථයේ අසම්භාව්‍ය ක්‍රියාව - රැවටෙමින් සිටි බව

දන්නවාද ඔබ... විඳවීමේ වින්දනය හරි අපූරු බව - මට

දන්නවාද ඔබ... ලියන්නට කියන්නට අඳීන්නට තේමා දුන්නු බව - ඔබ

(හිතන්න...... ඔබ දිය දහරක්..... නාන කාමරයේ වතුර මල අස්සෙන් එන.... ඔබට පහළින් ඇය..... උනා දැමූ පිළියෙන් විවරිත වත........)

ඔබේ නළලත වැටෙමි මම

හැඩ ගනිමි

ඒ අපූරු වූ නෙරුව....

සිප ගනිමි ඇසිපිය

පුළුල්..... විනිවිදලන බැල්ම

මුවා කළ ද්වාරය....

කිති කවමි ගෙල මුල

වක ගැසුණු කලපුව.....

පවිත්‍රත්වයේ විනිශ්චය

කොනේ කඩේ එකීගෙ කවි

කවි කියන්න ආසයි මං

කොහොමද කවි කියන්නේ මං

පෝය ලබන දවසට නං

කියනව කවි ඕන තරං

බණත් හරවලා කවියෙං

මුඩුක්කු මායිමේ හම්පඩ සිවුර දාගත්තු කැහැටු හාමුදුරුවො

ආප්ප පහයි තේකයි

ලුණුමිරිසයි කෙහෙල්ගෙඩියයි

නෑ නෑ මාරු වෙලා වගෙයි

ආප්ප පහයි ලුණුමිරිසයි

කෙහෙල්ගෙඩියයි තේකයි තව බනිසයි

මේක සෑහෙන්න පරණ කතාවක්..... අවුරුද්දයි දවස් 19ක් පරණයි ඇරඹුම

සිත්තරි රස්සාවක් හොය හොය හිටපු කාලෙ පුංවි රස්සාවක් ලැබුණා. ඒ "සහකාර වෙළද සේවිකාවක්" විදිහට. මගේ නගරෙ එහෙම රස්සාවක් කරන්න අම්ම තාත්ත ඉඩ නොදුන් නිසා මම ගියා කොළඹ. ලකාවෙ ප්‍රසිද්ධ පොත් සාප්පුවක වෙළද සේවිකාවක් විදිහට මගේ මුල්ම රැකියාව ආරම්භ කළා ජනවාරි 12 වෙනිදා. මට තිබුණෙ හොද වැදගත් විදිහට අපේ ‍පොත් සාප්පුවට එන අයට කතා කරල සුහදව එයාලත් එක්ක කටයුතු කරන එක. දොර අරින වහන එක, පාරිභෝගිකයො ගන්න පොත් ටික අරන් එයාලගෙ පස්සෙන් ගිහින් මුදල් ගෙවන කවුන්ටරයට ඒවා බාර දෙන්න ඕන. ඒ වගේම අපට බාර දුන්නු පොත් රාක්කවල හැමදාම දූවිලි පිහදාන්න ඕන. දවසක් සාප්පුව ඉස්සරහ මිදුල අතුගාන්නත් සිද්දවුණා. වාහන යන මහපාරෙ මාව දන්න කෙනෙක් මේ ඈත කොළඹ නැති නිසා මම හිතට වීරිය අරන් සාප්පුව ඉස්සරහ මිදුල අතුගෑවා. ඒත් පහුවදාම මම ෆාමසියට ගිහින් ඔක්සිෆියුරා